yady kak mansori farzad!
کمونیستی کریکاری و ڕیزگرتن لە یادی کاک منسوری فرزاد.
خوینەری بەریز من چەند شتیک باس دەکەم و تۆیش قەزاوەتی خوت بکە. بە داخ و پەژارەیەکی زوورەوە ڕوژی 13-02-2011 دڵی کاک منسوری فەرزاد تیکوشەری لە میژینەی شوڕشی کوردستان و پیشمەرگەی دیرینی کۆمەڵە و پاشان کادری بەڕیوەبەری حیزبی کمونیستی کریکاری ئیران دڵە گەورەکەی لە لیدان کەوت و داخو پەژارەیەکیی زووری بۆ خەڵکی چەوساوی کوردستان و هاوڕیانی بە جی هیشت. کاک منسور فەرزاد مروڤیکی تیکوشەر و ماندوینەناس بۆ ، زیاتر لە سێ دەهە ژیانی خوی تەرخانی خەبات بۆ ئازادی و بەختەوەری مروڤ کرد و زووریش هەوراز و نەشیوی بڕی تا بتوانیت کەلینیک لەو خەباتە پڕ بکاتەوە و خزمەتیک بە چینی چەوساوە بکات. بەڵام مخابن ئەم مروڤە تیکوشەرە نەگیشتە ئاواتەکانی و لە تەمەنی 55 سالیدا بە نەخوشی دڵ لە هەندەران لە وڵاتی سوید گیانی ئازیزی لە دەست دا و بۆ هەمیشە ماڵئاوی لیمان کرد یادی بەرز و بەڕیز بیت. بەڵام با بچینە سەر ئەسڵی مەوزوئو و بزانین چون و بە چە شیوەیەک ڕیزی لێ گیرا و یادی کرایەوە. ڕوژی 19 ی مانگی دوو لە هوڵیک بە نیوی ( بیورشلیت سکولان ) کاتژمیری 15:00 ی ئیوارە بە کاتی سوید یادەکە دەستی پیکرد و ئەلحەق خەڵکیکی زوور هاتە بۆ .جەماورە لە 400 کەس تیپەڕ دەبۆ، پاشان کاتژمیر 15:30 بەڕیوەبەری یادەکە بیدەنگی شکاند و بە زمانی فارسی ڕیێزی بەرنامەکەی خویندەوە، بە دوای ئەوە دا پەیامی بنەماڵە و دوستانی ڕیکخراوی و هاوڕیانی کاک منسور یەک بە دوای یەکدا دەستی پی کرد. بەڵام شتیک کە جیگای سرنجی من و هاوریانیکی زوور لەو یادەدا بەشدار بۆن ئەوە بو کە بۆچی بە زمانی کوردی هیچ ئاخافتنیک یان یادەوریک پیشکەش نەکرا ئەوە منی زوور زوور ئازار داو دڵگرانمی کرد. ڕەنگە خوینەری بەڕیز پرسیار بکات و بڵیت بۆ ؟ یانی ئەم کابرا ئەوندە ناسیونالیستە ؟ یان ئەشکاڵیک لە زمانی فارسیدا دەبینیت ؟ نە خوینەری بەڕیز من خوم بە چەپ و سوسیالیست دەزانم و ڕیزم هەیە بۆ هەمو نەتەوەیک و هیچ فەرق و جیاوازیک لە نیوان نەتەوەکاندا نابینم و پیم وایە دەبیت مافی مڕوڤ بە باشی ڕچاو بکریت، هەر بویە هەڵویستی خوم دەر دەبڕم سەبارەت بە ئەو یادەوەریە. حیزبی کمونیستی کریکاری ساڵی 1991 لە کۆمەڵە و حیزبی کمونیستی ئیران جودا بونەوە و لە سەرەتاوە بە نیوی ( فراکسیون ) خویان ئاشکرا کرد و پاشان بە نیوی حیزبی کمونیستی کریکاری ئیران بە سەرکردایەتی منسوری حیکمەت دەستیان دایە هەڵسوران. بوچی و بە چ هویەک لە کۆمەڵە جودا بۆنەوە ؟ ئەوان لە پاش کوتای هاتنی شەڕی نیوان ئیراق و ئیران و دەست پیکردنی بارودوخیکی نوی لە ناوچەکەدا و کەم بونەوی مەجاڵی خەباتی چەکدارانە پیان وا بۆ چیدی بەم شیوە ناتوانن دریژە بە هەڵسورانی خویان بدەن و دەبیت قوناخی خەباتەکە بگوڕن و بە شیوەیەکی دیکە خەبات بکەن، پیان وابو کۆمەڵە و حیزبی کمونیستی ئیران لە کمونیست و بنەماکانی مارکسیست بەدورە و لەگەڵ چینی کریکار پیوندیان نیە بەڵکو بیروکەی ناسیونالیستی و کوردایەتی زوورتر بەهیزترە لە ناو ڕیزی کۆمەڵەدا . هەر بویە هەوڵیان دا بە تەواوی کۆمەڵە لە بین بەرن و هەمو ماڵ و مڵکی کۆمەڵەیان تەخشان و پەخشان کرد و کۆمەڵە تا نزیکەی مردن ڕویشت. بەڵام بە خوشحاڵیەوە کەسانیکی دڵسوز و بەرپرس هەستیان بەو پیڵانە کرد و ڕیگایان نەدا بگەن بە ئاواتەکانیان و دیسان کۆمەڵەیان لە مردن ڕزگارکرد. لیرەدا من سپاسی ئەو هاوڕیانە دەکەم. بەڵی حیزبی کمونیستی کریکاری هیزی خوی لە ئاوروپا کوکردەوە و پیان وابو لەم ڕیگایەوە دتوانن باشتر و چڕ و پڕتر لەگەڵ چینی کریکاری ئیران پیوەندی بگرن و ڕوژی ڕزگاری هەژاران نزیکتر بکەنەوە، ئەو بوچونەی حیزبی کمونیستی کریکاری و بە تایبەت منسوری حیکمەت زوور دوور بۆ لە ڕاستی و هەر هەموی تەنها لە ئارشیودا مایەوە و بە هیچ جوریک لەگەڵ راستیەکاندا جور نەهات. پاش ماوەیەکی کورت کیشە لە ناویاندا دروست بۆ و پارچە پارچە بۆنەوە. حیزبیک کە باسی یەکسانی، سەربەخوی ، ئازادی ڕادەربڕین، مافی مروڤ و هەڵاواردنی جنسی و قەومی دەکات کە چی بو خوی بەئاشکرا هەر هەمو ئەو دروشمانە پیشیل دەکات و هیچ بایەخیکیان بۆ دانانیت. من لەو یادەوەریەدا کە لە کاک منسوری فەرزاد کرایەوە بە باشی بوم دەرکەوت کە ئەو حیزبە حیزبیکی شوینیست و قەومپەرەستە و هیچ نرخیک بو نەتەوەکانی دیکە دانانیت. لەو یادەوەریەدا لە 100%85 ی کورد بۆن و خەڵکی کوردستان بۆن ئەو کەسانەش کە فارس بۆن زووربەیان کوردی تی دەگەن و لانی کەم 10 تا 15 ساڵ لە کوردستان و لە ڕیزی کۆمەڵەدا کار و خەباتیان کردە و نانی خەڵکی کوردی هەژاریان خواردوە، بەڵام یەک وشەی کوردیم نەبیست و کەس ڕیگای بە خوی نەدا بە زمانی کوردی ئاخافتن بکات. بە بڕوای من لەو یادەوەریەدا هەم بیڕیزی بە کاک منسوری فەرزاد کرا و هەم بیڕیزی بە خەڵکی کورد و بە تایبەت بەو کوردانە کە لەو یادەوریەدا بەشدار بون. ئەو کوردانە کە قسەو باسیان پیشکەش کرد بە یادی کاک منسور بریتی بۆن لە کاک ئیرجی فەرزاد براگەوری کاک منسور، کاک حەمەی ئاسنگەران، کاک سەڵامی زیجی، کاک سمایڵی مەردوخ، خیزانی کاک منسور، کوری کاک منسور و هونەرمند کاک فەریبورزی کرەمی. ئەمەیە کمونیست و مافی مروڤ لای حیزبی کمونیستی کریکاری ؟ ئەمەیە دونیایەکی باشتر لای ئەو حیزبە ؟ بە بڕوای من ئەم شیعار و دروشمانە وەک گاڵتی منداڵان دەمینەیتەوە و هیچ جیگای سیقە نیە.زیاتر لە 40 ملیون کورد بە مرڤ نەزانیت ئەی چون خەڵک بڕواتان پی بکات؟ بویە من هەم ڕەخنەیەکی زوور توند لە ئەو کوردانەی نیو حیزبی کمونیستی کریکاری ئیران و حیکمەتیست دەگرم و ئاگاداریشیان دەکەمەوە نابیت ئەو هەمو بیڕیز و کەم تەرخەمیە نیسبەت بە خویان و خەڵکی کورد قبوڵ بکەن و دەبیت هەوڵ بدەن ئاڵوگوڕیک لەو حیزبە شوینیستیدا درووست بکەن. پیم خوشە کەسیکی بیڵایەن لیکوڵینەویک بکات لە سەر ئەو حیزبە بزانیت ڕیژی کورد زمان زوورە یان ڕیژەی فارس زمان لە ڕیزی ئەو حیزبەدا. بە داخەوە لە ماڵپەرەکانیشیاندا زمانی کوردی بیگانەیە و زمانی ڕەسمی خویان کردوە بە فارسی لە حالیکدا بۆ خویان کوردن و تەنها لە کوردستانیش خەڵک بایخیان پی دەدات. با لە ئەخیردا یەک نمونەی چکولەتان بو بینمەوە، کاک فەریبورز کەرەمی کە کوردە و بە زاراوی کەڵهوڕی قسە دەکات دوو گورانی بۆ یادی کاک منسور پیشکەش کرد یەک بە کوردی و یەک بە فارسی. کاتیک گورانیە کوردیەکەی چڕی هەمومان بیدەنگ بوین و گویقوڵاخی بیستنی بوین و پیمان خوش بۆ. بۆ نمونە ئامینە خانم دایکی کاک ڕئوفی جوانەمەرگ کە مانگی پیشو ڕئوفی ئازیزی لە دەست دا بە گورانیەکەی کاک فەریبورز دای لە قڵمەی گریان و زوور بە کۆڵ گریا، بەڵام کاتیک کاک فەریبورز گورانیە فارسیەکەی چڕی کاس ئەو هەستەی نەکرد کە زوور دڵگیرە و چاوی کەسیش تەڕ نەبو. ئەگەر وایە بۆ و لە بەر چی ڕیێز لە زمان و نەتەوی خوتان ناگرن ؟ بوچی ئەوەندە بە خەمن بۆ نەتەوی فارس لە حالیکدا نەتەوی کورد زوورتر پیویستی بە یارمەتیە و وڵاتی نیە و بیخاوەنە ؟ هیوادارم برادارانی کوردزمانی کمونیستی کریکاری بەخویاندا بچنەوە و سەریک هەڵبڕن و بزانن لە چی بارو دوخیکدان.
2011-02-21 ئەحمەد ڕوستەمی
